එහෙත් බැලූ බැල්මටම මෙම යෞවනයා තමන්ට වඩා වයසින් ළා බාල බව හැඟුණු කාන්තාව එම ඉල්ලීම එකවරම ප්‍රතික්ෂේප කළාය. එසේ ප්‍රතික්ෂේප කරද්දීත් ඇය වෙත බැඳුණු තරුණයා ඇයට තමන් හා ජීවත් වීමට එන ලෙස ඉල්ලා බැගෑපත් වන්නට විය. ජීවිතය නැමති අභාග්‍යසම්න්න ක්‍රීඩා පිටියෙන් අනන්ත අප්‍රමාණ ලෙස බැට කා සිටි තරුණ ස්ත්‍රිය අනුන්ගේ බැලමෙහෙවරකම් කොට ඒ පීඩාව නිසාම තරුණයාගේ ඉල්ලීමට එකඟ වූවාය. ඇය තම ස්වාමි දියණියගෙන්ද සමුගෙන යථෝක්ත තරුණයා සමග ඔහුගේ නිවසට ගියාය.
මේ රූමත් කාන්තාව දුටු රිය හිමියා ද තම පුතු රාගයෙන් බැඳුණු බව වැටහී උපේක්‍ෂා සහගතව බවසා සිටියේ පසුව සුදුස්සක් කිරීමට තරයේ අදිටන් කරගෙනය.
ඉතා පැහැපත් රන්වන් සිරුරක් තිබූ සිය අභිනව යොවුන් සැමියා කෙරෙහි කාන්තාවගේ සිත තුළ පැවැති ප්‍රේමය බලවත් විය. එහෙත් තම වියපත් බව ආරම්භ වීමත් සමග ඔහු අන් කතක් විවාහ කරගනු අතැයි ද ඇය නිතර නිතර සිතන්නට වූවාය. කලක් ගත වූ නමුත් ඇයට ඔහුගෙන් දරු සම්පතක් ලබන්නට නොහැකි විය. දරුවෙකු පිළිබඳ ඇගේ සිතේ බලවත් අපේක්‍ෂාවක් තිබුණද එය ඉටුවන ලකුණු පහළ වූයේ නැත. අවසානයේදී ස්වාමියා අන් බිරිඳක් ගෙන ඒමට තීරණය කළේය. ඔහුගේ තීරණයේ කිසිදු වැරැද්දක් නොමැති බැව් වටහා ගත් කාන්තාව ඉතා උපේක්‍ෂා සහගතව ඒ තීරණයට එකඟ වූවාය.
‘හිමියෙනි, නොදැන නොසිටියෙමි, ඔබ මට වඩා වයසින් ලාබාල හෙයින් කෙදිනක හෝ මෙවැනි ප්‍රශ්නයකට මා හට මුහුණ දීමට සිදුවන බව ඒකාන්තයෙන්ම දැන සිටියෙමි.’
කාන්තාව කඳුළු පිරි දෙනෙතින් පැවසුවාය.
‘ප්‍රිය සොඳුර, අපගේ උරුමයන්ට හිමිකරුවෙකු අවශ්‍ය බව මපියාණන් නිරන්තරයෙන්ම මැසිවිලි ෙදාඩන්නේය. එහෙත් මම කිසිදා ඔබට අහිතක් සිදු නොවීමට ප්‍රති ඥා දෙන්නෙමි’ යි කියා තරුණ ස්වාමි පුරුෂයා ද සිය බිරිඳට පොරොන්දු වූයේය.
